Croeso i FarmWell, pob math o adnoddau i’ch helpu chi a’ch busnes fferm fod yn gryf a chadarn.

---

Mae FarmWell Wales yn fenter a lansiwyd gan Grŵp Cymorth Ffermydd Cymru yn 2020.

Mae Grŵp Cymorth Ffermydd Cymru yn cynnwys:

Diweddaraf

Adnoddau oddi wrth AHDB yn Saesneg ynghylch gostyngiadau pris llaeth – cliciwch ar y linc

Cyswllt Ffermio yn lansio offeryn meincnodi newydd i ffermwyr

Mae Cyswllt Ffermio’n cyflwyno offeryn meincnodi rhyngweithiol sy’n galluogi ffermwyr i fesur dangosyddion perfformiad allweddol (DPA) sy’n benodol i’r fferm ac i gymharu eu canlyniadau ariannol a thechnegol eu hunain â ffermydd tebyg.

Angen Gweithredu: Mae angen i ffermwyr a busnesau i ailgofrestru ar gyfer Cyswllt Ffermio a symund i One Login GOV.UK

---

Diweddariad Gwanwyn 2026

Trawsgydymffurfio 2026

Mae’r rhan fwyaf o’r rheolau Trawsgydymffurfio yn aros fel yr oeddent yn 2025. Fodd bynnag, mae rhai taflenni ffeithiau wedi’u diweddaru ar gyfer 2026 oherwydd newidiadau yn y gofynion, arferion da ac i wneud y geiriad yn gliriach.

Cynllun Ffermio Cynaliadwy

Gall ffermwyr yng Nghymru nawr wneud cais am y SFS am y tro cyntaf, gan i’r Ffurflen Gais Unigryw (SAF) agor ar 2 Mawrth 2026.

Taliadau Uwch ar gael ar gyfer plannu coed yn gynnar

Gall perchnogion tir a ffermwyr ledled Cymru wneud cais am grantiau plannu coed uwch o’r wythnos nesaf ymlaen, gyda thaliad cymhelliant newydd o £825 yr hectar ar gael ar gyfer creu coetir llydanddail brodorol.

Offeryn Cynllunio Rheoli Maethynnau Newydd

Mae’r offeryn cynllunio rheoli maethynnau ar gyfer Prydain Fawr bellach ar gael ar-lein am ddim i ffermwyr a rheolwyr tir yng Nghymru. Mae’r offeryn yn defnyddio data rheoli maethynnau o lawlyfr gwrtaith RB209 i lywio argymhellion a gellir ei ddefnyddio er mwyn helpu i gydymffurfio â’r gofynion rheoleiddio, gan gynnwys y Rheoliadau Rheoli Llygredd Amaethyddol.

SMR1: Diogelu Dŵr (Rheoli Llygredd Amaethyddol)

Rhaid i ffermwyr ddilyn y rheolau hyn os ydynt yn hawlio am daliadau o dan y Cynllun Ffermio Cynaliadwy (SFS) neu Gynllun y Taliad Sylfaenol. Gall diffyg cydymffurfio â llinell sylfaen Rheoleiddiol yr SFS neu Drawsgydymffurfio arwain at gosbau ariannol.

Hysbysu am foch daear marw

Os dewch o hyd i foch daear marw, dylech roi gwybod amdano, gan roi lleoliad y moch daear gyda cyfeiriad grid a/neu what3words lle bo modd:

• ffonio: 08081 695110
• e-bostio: badger@bfd.wales

Newidiadau i gyfyngiadau’r Tafod Glas wedi’u cadarnhau ar gyfer gwerthiannau a marchnadoedd yr hydref

Bydd y newidiadau fesul cam i hwyluso gwerthiannau da byw yn yr hydref yn dechrau ddydd Llun, Awst 18. O hynny ymlaen, bydd da byw o Gymru sydd wedi cwblhau cwrs o frechiad seroteip 3 (BTV-3) o feirws y Tafod Glas yn gallu mynd i farchnadoedd penodol yn Lloegr at ddibenion gwerthu da byw o Gymru yn unig, o fewn 20km i’r ffin â Chymru. Am fwy o wybodaeth cliciwch yma

Ffliw Adar

Mae Ffliw Adar Pathogenedd Isel wedi’i gadarnhau mewn safle ger Dulas, Ynys Môn ar 9 Awst. Mae Parth Cyfyngedig 1km wedi’i roi ar waith o amgylch y safle heintiedig.

Y Cynllun Ffermio Cynaliadwy – Cwestiynau Cyffredin

Mae Llywodraeth Cymru’n datblygu dogfen Cwestiynau Cyffredin i gyd-fynd â’r Cynllun Ffermio Cynaliadwy 2026: disgrifiad o’r cynllun. Bydd canllawiau llawn a nodiadau technegol y Cynllun ar gael cyn i’r cynllun ddechrau ar 1 Ionawr 2026.

Trosglwyddo a Phrydlesu Hawliau BPS 2026 

Mae Llywodraeth Cymru yn datblygu cynigion ar gyfer y trawsnewid o BPS i’r Cynllun Ffermio Cynaliadwy o 2026 ymlaen. O ganlyniad, daeth cyfnod trosglwyddo hawliau BPS i ben ar 15 Mai 2025 a bydd yn parhau ar gau nes y bydd Gweinidogion Cymru wedi penderfynu trosglwyddo a phrydlesu hawliau BPS ar gyfer blwyddyn y cynllun 2026 a thu hwnt.

Cynllun Dileu Dolur Rhydd Feirysol Buchol Cymru

Mae’r cam nesaf o weithredu deddfwriaeth Dolur Rhydd Feirysol Buchol (BVD) wedi’i ohirio am flwyddyn tan 1 Gorffennaf 2026, i gyd-fynd gyda lansiad MultiSpecies Wales EIDCymru. Mae mesurau a gyflwynwyd ar 1 Gorffennaf 2024 yn aros yn ddigynnwrf. Mae dal angen i chi cwblhau eich sgrinio blynyddol erbyn 1 Gorffennaf eleni ac arwahanu unrhyw anifeiliaid sydd wedi’u heintio’n barhaus a fydd yn cael eu cyfyngu i’r dalfa am byth.

I ddarganfod mwy cliciwch fan hyn

RPW Ar-lein – Gwybodaeth Meysydd Busnes

O 28 Mai 2025, bydd cwsmeriaid RPW Ar-lein yn cael eu hannog i ddarparu gwybodaeth am eu Meysydd Busnes. Ar gyfer cwsmeriaid newydd, bydd y wybodaeth hon yn cael ei chasglu ar y ffurflen Cofrestru Cwsmeriaid. Bydd hyn yn ein helpu i bersonoli’r Hafan, darparu gwybodaeth am gynlluniau a chanllawiau o ddiddordeb a galluogi ceisiadau i SFS pan fydd Amaethyddiaeth a Choetir Ffermydd yn cael ei ddewis. Am ragor o wybodaeth, cliciwch ar y ddolen isod.

Tyfu ar gyfer yr Amgylchedd (Cnydau Gorchudd yr Hydref)

Bydd y ffenestr EOI Tyfu er mwyn yr Amgylchedd (Cnydau Gorchudd yr Hydref) yn agor 2 Mehefin 2025 ac yn cau 11 Gorffennaf 2025.  Mae Tyfu er mwyn yr Amgylchedd yn gynllun sy’n darparu uchafswm o £5,000 o gyllid fesul ffenestr ar gyfer tyfu a defnyddio cnydau, a all arwain at welliannau ym mherfformiad amgylcheddol busnes fferm.

Grantiau Bach – Creu Coetir

Agorodd yr ail gyfnod ar gyfer ymgeisio am Grantiau Bach – Creu Coetir yn 2025 ar 19 Mai ac mae’n cau ar 27 Mehefin, gydag un cyfnod ymgeisio arall ym mis Gorffennaf. Mae’r diwygiadau yn cynnwys:

• gwneud hi’n haws plannu coed ar ffermydd gydag ardaloedd llai bellach yn gymwys
• cymysgeddau rhywogaethau mwy hyblyg
• cymysgedd o rywogaethau ‘ffrwythau a chnau’ ac ‘arfordirol’ newydd
• a chyfraniad dewisol o £300 am gyngor ychwanegol

Grantiau bach – Amgylchedd (Dwr)

Bydd ffenestr EOI Grantiau Bach – Amgylchedd (Dŵr) yn agor 21 Mai 2025, ac yn cau 1 Gorffennaf 2025.  Mae’r Grantiau Bach – Amgylchedd yn gynllun sy’n darparu uchafswm o £7,500 o gyllid fesul ffenestr ar gyfer Prosiectau Gwaith Cyfalaf sydd yn darparu buddion amgylcheddol.

Prosiect Ymchwil Platfform BVD

Mae Prifysgol Nottingham a Choleg Gwledig yr Alban yn cynnal arolwg fel rhan o brosiect i ddod â newid sylweddol yn rheolaeth clefydau gwartheg. Gofynnir i gadwrodwyr da gymryd 15 munud i gwblhau’r arolwg a’u helpu gyda’r prosiect gwerthfawr hwn.

Gofalu am anifeiliaid fferm a cheffylau yn ystod tywydd eithafol

Gall tywydd eithafol beri risg difrifol i dda byw. Os ydych yn cadw da byw dylech gadw golwg agos arnynt. Mae’n bwysig fod ganddynt gysgod, bwyd a dŵr.

A yw’n amser i brofi eich offer gwasgaru plaladdwyr?

Yn ôl y gyfraith, rhaid profi offer newydd, fel chwistrellyddion “boom” ac offer gwaredu chwyn, o dan y Cynllun Profi Chwistrellu Cenedlaethol (NSTS) cyn eu bod yn 5 oed. Ar ôl 5 mlynedd, dylai profion ddigwydd yn rheolaidd, naill ai bob 3 neu 6 blynedd, yn dibynnu ar y math o offer dan sylw.  Rhaid gwirio sachau cefn, chwistrellwyr llaw ac offer i gerddwyr gyda llai na 3 olwyn hefyd yn rheolaidd.  Cofiwch barhau i ddiweddaru eich cofnodion

Gorchymun Cyflogau Amaethyddol (Cymru) 2025

Daeth Gorchymyn Cyflogau Amaethyddol (Cymru) 2025 i rym ar 1 Ebrill 2025. Mae’n manylu ar yr isafswm cyfraddau cyflog a lwfansau, a thelerau ac amodau eraill, y mae gan weithwyr y sector amaethyddol, garddwriaeth a choedwigaeth hawl iddynt yn ôl y gyfraith.

Y Cynllun Ffermio Cynaliadwy (SFS) – Diweddariad ar Ddyluniad y Cynllun

Mae Huw Irranca-Davies AS, y Dirprwy Brif Weinidog ac Ysgrifennydd y Cabinet dros Newid yn yr Hinsawdd a Materion Gwledig wedi darparu datganiad ysgrifenedig ar ddyluniad y Cynllun Ffermio Cynaliadwy terfynol.

Llywodraeth Cymru yn cyhoeddi’r camau nesaf i fynd i’r afael ag ymwrthedd gwrthficrobaidd mewn anifeiliaid

Mae Llywodraeth Cymru wedi cyhoeddi manylion cam nesaf ei hymrwymiad i fynd i’r afael ag ymwrthedd i wrthfiotigau (AMR) mewn anifeiliaid yng Nghymru, fydd yn golygu £2 miliwn o arian newydd a sefydlu grŵp cynghori newydd o arbenigwyr.

Gweithlu Natur Cymru – arolwg 2025

Os ydych chi’n helpu i warchod, adfer neu wella natur yng Nghymru, ewch i mewn i’r Arolwg Gweithlu Natur cyntaf erioed. Rydym hefyd yn gofyn am eich cyfeiriad e-bost, fel y gallwn gadw mewn cysylltiad â chi am ein gwaith, er enghraifft i gynyddu cyfleoedd hyfforddi.

Cynllun Gweithredu Cenedlaethol y DU ar Blaladdwyr 2025: Gweithio ar gyfer dyfodol mwy cynaliadwy

Mae Cynllun Gweithredu Cenedlaethol newydd y DU wedi cael ei ddatblygu gan bedair llywodraeth y DU, a chafodd ei gyhoeddi ar 21 Mawrth. Mae’n amlinellu’r strategaeth ar gyfer rheoli defnyddio plaladdwyr a rheoli’r risgiau dros y pum mlynedd nesaf ac yn cynnwys targed domestig cyntaf y DU ar gyfer lleihau’r defnydd o blaladdwyr.

Ffermio Bro – Ffermio mewn Tirweddau Dynodedig

Ar 1 Mai bydd Llywodraeth Cymru’n lansio Ffermio Bro: Ffermio mewn Tirweddau Dynodedig, mewn partneriaeth â’r 3 Parc Cenedlaethol a 5 Tirwedd Genedlaethol. Bydd y cynllun yn ariannu camau gweithredu sy’n cefnogi ffermio sy’n gyfeillgar i natur, mynediad a lleihau carbon a gyflawnir ar draws nifer o ffermydd.

Optimeiddio Gridiau Gwledig drwy Amaethyddiaeth

Mae prosiectau llwyddiannus yn archwilio sut y gall cymunedau amaethyddol wneud y gorau o gridiau ynni gwledig i gefnogi dyfodol mwy cynaliadwy a gwydn. Mae’r astudiaethau dichonolrwydd hyn yn gam allweddol wrth ddatblygu arloesedd ym maes ynni gwledig.

Llywodraeth Cymru’n cymeradwyo trwydded i frechlynnau gwirfoddol y Tafod Glas

Mae Gweinidogion Cymru wedi cytuno i drwyddedu tri brechlyn ar gyfer y Tafod Glas (BTV-3) i’w defnyddio mewn argyfwng ledled Cymru. Mae Llywodraeth Cymru wedi gweithio’n agos gyda chynrychiolwyr o fewn y diwydiant ffermio sydd wedi gofyn i bob un o’r tri brechlyn BTV-3 gael eu trwyddedu i’w defnyddio yng Nghymru. Bydd y drwydded gyffredinol ar gael i’w defnyddio yng Nghymru o 1 Mawrth. Mae’r brechlynnau’n rhai ataliol, sy’n golygu y byddant yn lleihau rhai o’r arwyddion clinigol a brofir gan anifeiliaid sydd â’r clefyd. Nid ydynt yn atal haint.

Grantiau bach – Effeithlonrwydd

Mae’r cynllun Grantiau Bach – Effeithlonrwydd yn gynllun cyfalaf sydd wedi’i gynllunio i helpu ffermwyr yng Nghymru i wella perfformiad technegol, ariannol ac amgylcheddol eu busnesau fferm. Bydd y cyfnod ymgeisio nesaf yn agor i ymgeiswyr cymwys ar 3 Mawrth 2025 a bydd yn cau 11 Ebrill 2025. 

Dyddiadau Allweddol y ‌Cynlluniau Datblygu Gwledig

Dyddiadau ymgeisio ar gyfer pob cynllun cymorth amaethyddol. I weld arweiniad pob un o’r Cynlluniau Cymorth Amaethyddol, ewch i grantiau a thaliadau gwledig ychydig cyn i’r cyfnod ymgeisio agor.

RPW Ar-lein

O 27 Chwefror 2025 ymlaen, bydd Llywodraeth Cymru yn gwahodd grwpiau o ddefnyddwyr RPW Ar-lein i drosglwyddo i’r gwasanaeth newydd GOV.UK Un Mewngofnodi. Byddant yn eich hysbysu trwy’ch cyfrif RPW Ar-lein pan fydd hi’n bryd i chi fudo i GOV.UK Un Mewngofnodi. Nod y Llywodraeth yw i holl ddefnyddwyr RPW Online fod yn defnyddio GOV.UK Un Mewngofnodi erbyn diwedd y flwyddyn.

Adolygiad o reolaethau bwyd anifeiliaid ar gyfer Cymru a Lloegr

Mae Llywodraeth Cymru yn gofyn am farn ar gynigion i newid y rheolaethau bwyd anifeiliaid cyfredol i ganiatáu’r canlynol:

• bwydo protein moch wedi’i brosesu i ddofednod
• bwydo protein dofednod wedi’i brosesu i foch
• bwydo protein pryfed wedi’i brosesu i ddofednod a moch
• colagen a gelatin anifeiliaid sy’n cnoi cil mewn bwyd anifeiliaid nad ydynt yn cnoi cil

Mae’r ymgynghoriad yn cau ar Ebrill 1, 2025.

Parth Atal Ffliw Adar Cymru Gyfan

Mae Parth Atal Ffliw Adar Cymru Gyfan (AIPZ) wedi cael ei gyflwyno o dan Erthygl 6 Gorchymyn Ffliw Adar a Ffliw Adar mewn Mamaliaid (Cymru) (Rhif 2) 2006. Ni chadarnhawyd unrhyw achosion o ffliw adar pathogenig iawn (HPAI) mewn dofednod neu adar eraill a gedwir yng Nghymru hyd yn hyn y tymor hwn. Fodd bynnag, mae nifer yr achosion mewn heidiau dofednod yn parhau i gynyddu ledled Prydain Fawr ac mae risg uwch o drosglwyddo o adar gwyllt i adar a gedwir. Am fwy o fanylion, cliciwch fan hyn

Ffurflen Gais Sengl (SAF) 2025 

Bydd fersiwn ar-lein y SAF ar gael ichi ei gweld ar wefan Taliadau Gwledig Cymru (RPW) Ar-lein ar 3 Mawrth 2025. Y dyddiad cau ar gyfer cyflwyno’ch SAF yw hanner nos 15 Mai 2025, neu 9 Mehefin 2024 gyda chosbau am ei chyflwyno’n hwyr.

Y diweddaraf am yr adolygiad o’r CPH

Mae Alma Economics wedi cael ei gomisiynu gan Lywodraeth Cymru i adolygu prosesau, canllawiau a systemau’r CPH yng Nghymru. Mae’r Adolygiad o’r CPH yn mynd yn ei flaen, ac mae Alma Economics yn awyddus i glywed eich barn am brosesau, canllawiau a systemau’r CPH yng Nghymru. Bydd yr arolwg yn cau ar 14 Chwefror am 10:00am. I gymryd rhan yn yr arolwg, cliciwch fan hyn

Dweud eich dweud ar strategaeth newydd Cymru ar gyfer pren

Gyda’r galw byd-eang am bren yn debygol o gynyddu bedair gwaith erbyn 2050, sut y gall Cymru elwa ar y twf disgwyliedig gan ddiogelu, ar yr un pryd, ei choedwigoedd at y dyfodol? Mae Llywodraeth Cymru yn holi am eich barn i’r cwestiwn hwn cyn lansio strategaeth ddiwydiannol ar gyfer pren yn ddiweddarach eleni. Cewch o hyd i’r ddogfen ymgynghori fan hyn

Cyfnodau ymgeisio newydd ar gyfer Grantiau Creu Coetir yn cael eu cyhoeddi 

Bydd y cyfnod ymgeisio ar gyfer y Grant Creu Coetir yn agor ar 3 Mawrth ac yn cau ar 21 Tachwedd. Bydd y cynllun Grantiau Bach – Creu Coetir yn agor ar 3 Mawrth hefyd, ond bydd yn cau ar 11 Ebrill a bydd dau gyfnod ymgeisio arall ym mis Mai mis Gorffennaf. Mae’r ddau gynllun wedi cael eu diwygio i hwyluso amaeth-goedwigaeth. Mae’r Grant Creu Coetir bellach yn cynnwys opsiynau plannu dwysedd isel diwygiedig gyda mesurau diogelu coed llai caeth a thaliadau cynnal a chadw estynedig.

Cyhoeddi Gosod y Rheoliadau Safonau Marchnata ar gyfer Wyau

Ar 28 Ionawr 2025, gosododd y Dirprwy Brif Weinidog, Huw Irranca-Davies, Reoliadau Safonau Marchnata Wyau Maes (Diwygio) (Cymru) 2025 gerbron y Senedd. Yn amodol ar gymeradwyaeth y Senedd, bydd y Rheoliadau hyn yn dileu’r amseriadau rhanddirymu cyfredol, gan ganiatáu wyau maes i gadw eu statws ‘wyau maes’ drwy gydol unrhyw gyfnod y bydd unrhyw fesurau gorfodol i gadw adar o dan do ar waith. Bydd hyn yn dileu’r gofyniad i ail-labelu neu ailbecynnu wyau maes pan fo gorchmynion yn cael eu cyhoeddi mewn ymateb i ffliw adar.

Cludo anifeiliaid i Brydain Fawr, o Brydain Fawr neu drwy Brydain Fawr

Os ydych yn cludo gwartheg, defaid, moch neu eifr o Brydain Fawr i wlad y tu allan i’r DU, neu’n cludo’r anifeiliaid hyn drwy Brydain Fawr, mae’n rhaid i chi ddarparu prawf o ddiben eich allforio.

Trawsgydymffurfio 2025

Nid yw’r rhan fwyaf o’r rheolau ynghylch Trawsgydymffurfio wedi newid o’i gymharu â 2024. Eto i gyd, mae rhai taflenni ffeithiau wedi’u diweddaru ar gyfer 2025 er mwyn adlewyrchu newidiadau mewn gofynion, arferion da ac er mwyn gwneud y geiriad yn fwy clir. Mae rhai newidiadau hefyd wedi’i gwneud i’r wybodaeth am Safonau Dilysadwy Trawsgydymffurfio 2025 ar gyfer dosbarthu achosion o dorri Amodau Amaethyddol ac Amgylcheddol Da a Gofynion Rheoli Statudol. Dylech wirio ac adolygu’n rheolaidd y rheoliadau ynghylch Trawsgydymffurfio.

I weld y newidiadau cliciwch fan yma

Cynllun pum mlynedd ar gyfer cymorth amaethyddol sy’n cychwyn Ionawr 1, 2025

Mae Gweinidogion Cymru wedi amlinellu eu cynllun pum mlynedd i gefnogi’r sector amaethyddol. Gellir lawrlwytho’r ddogfen.

Cynllun Ffermio Cynaliadwy: Amlinelliad Cynllun Arfaethedig 2024

Mae Llywodraeth Cymru wedi cyhoeddi amlinelliad Cynllun wedi’i ddiweddaru. Mae’r cynigion wedi cael eu diweddaru yn seiliedig ar ymatebion i’r ymgynghoriad, mewnbwn gan randdeiliaid ar y Ford Gron Weinidogol, a thrwy barhau i wrando ar adborth. Mae nifer o newidiadau i sicrhau bod y Cynllun yn ymarferol ac yn hygyrch ac yn rhoi cyfle i gefnogi busnesau fferm cadarn ledled Cymru.

Cynlluniau Paratoadol SFS ar agor

Mae tri chynllun paratoadol SFS, Cynllun Tyfu ar gyfer yr Amgylchedd, Garddwriaeth ac Arallgyfeirio Amaethyddol a Grantiau Bach – Dechrau Busnes Garddwriaeth ar agor i ymgeiswyr cymwys i annog mwy o welliannau amgylcheddol a chefnogi ffermwyr a thyfwyr i barhau i gynhyrchu bwyd yn gynaliadwy. Mae disgwyl i rowndiau newydd pellach o gynlluniau ychwanegol agor yn fuan.

Tagiau gwartheg: pryd fydd Dyfeisiau Adnabod Electronig buchol yn cael eu cyflwyno

Mae cynlluniau ar gyfer Dyfeisiau Adnabod Electronig Gwartheg (BEID) ar gyfer lloi newydd eu geni yn symud ymlaen.

Clefyd coed ynn: y dull polisi 2024-2029

Mae Llywodraeth Cymru wedi cyhoeddi dull gweithredu lefl uchel o ran rheoli clefyd coed ynn ledled Cymru. Dylai perchnogion a rheolwyr tir ddefnyddio dull gweithredu sy’n seiliedig ar risg i reoli effeithiau cymdeithasol, amgylcheddol ac economaidd y clefyd. Mae’r dull hwn  yn cyd-fynd â chanllawiau Cyfoeth Naturiol Cymru sy’n cynnig dulliau ymarferol a chynaliadwy o reoli clefyd coed ynn.

Gofalu am anifeiliaid fferm a cheffylau yn ystod tywydd eithafol

Gall tywydd eithafol beri risg difrifol i dda byw. Os ydych yn cadw da byw dylech gadw golwg agos arnynt. Mae’n bwysig fod ganddynt gysgod, bwyd a dŵr. Os ydych chi’n cadw anifeiliaid allan mewn ardal lle mae perygl o lifogydd, dylai fod gennych gynllun i’w diogelu nhw.

Newidiadau i Reolau Safonau Marchnata Wyau

Cyhoeddodd y Dirpwy Brif Weinidog, Huw Irranca-Davies, ar 1 Tachwedd 2024 ei fwriad i ddiwygio’r cyfnod llacio ar gyfer wyau maes yng Nghymru. Golyga hyn waredu’r gofyniad i ail-labelu neu ailbecynnu wyau maes pan fydd gorchmynion lletya mewn grym mewn ymateb i achosion o ffliw adar.

Rheolaeth Integredig ar Blâu

Tudalen benodol sy’n esbonio’r ffaith bod rheolaeth integredig ar blâu wedi cael ei lansio. Y nod allweddol yw annog a chefnogi pobl i fabwysiadu arferion IPM yn lle arferion presennol er mwyn lleihau’r ddibyniaeth ar ddefnyddio plaladdwyr cemegol. Mae’r dudalen yn cynnwys dolen i wefan Defra ar IPM lle gallwch gael gwybodaeth am sut i gyflwyno technegau IPM er mwyn rheoli chwyn, plâu a chlefydau ar eich tir.

Cynllun Adfer Coetir Nawr Ar Agor

Mae’r  Cynllun Adfer Coetir (WRS) nawr ar agor a bydd yn cau ar 28 Chwefror 2025 neu unwaith y bydd y gyllideb o £1 miliwn wedi’i dyrannu. Mae’r WRS yn cefnogi tirfeddianwyr i adfer coetiroedd sydd wedi’u heffeithio gan bresenoldeb y clefyd Phytophthora ramorum ar goed. Bydd angen i bob ymgeisydd llwyddiannus gwblhau’r gwaith erbyn 31 Mawrth 2026.

Materion Gwledig Cymru

Mae Rhwydwaith Gwledig Cymru wedi cael ailfrandio gyda lansiad gwefan ac enw newydd! Mae Materion Gwledig Cymru, sy’n rhan o Is-adran Materion Gwledig Llywodraeth Cymru, yn annog ac yn hyrwyddo datblygu gwledig drwy rannu gwybodaeth, newyddion, syniadau ac arfer da. 

Cadarnhau Data’r Cynllun Ffermio Cynaliadwy

Lansiodd Taliadau Gwledig Cymru ymarfer cadarnhau data’r Cynllun Ffermio Cynaliadwy drwy RPW Ar-lein ar 22 Gorffennaf 2024. Mae’r Ffurflen Cadarnhau Data yn dangos y data cyfredol sydd gan Lywodraeth Cymru am ffermydd, ac mae’r ymarfer yn rhoi cyfle i bawb adolygu, newid a chadarnhau’r cynefinoedd a’r arwynebedd canopi coed yn barod ar gyfer Cynllun Cynefin Cymru 2025 a Chynllun Ffermio Cynaliadwy yn 2026.

Dyddiadau Allweddol y Cynlluniau Datblygu Gwledig

Dyddiadau ymgeisio ar gyfer pob cynllun cymorth amaethyddol. I weld arweiniad pob un o’r Cynlluniau Cymorth Amaethyddol, ewch i Grantiau a thaliadau gwledig ychydig cyn i’r cyfnod ymgeisio agor.

Sefydlu Bwrdd Newydd TB i Gymru

Mae Llywodraeth Cymru wedi sefydlu Bwrdd Rhaglen Dileu TB Gwartheg newydd ar gyfer Cymru, dyma’r datblygiad diweddaraf wrth weithio tuag at nod cyffredin o Gymru heb TB.

Cadarnhau Firws Bluetongue yn Norfolk

Mae firws y Bluetongue seroteip 3 (BTV-3) wedi’i gadarnhau mewn hwrdd yn Norfolk. Dyma achos cyntaf y clefyd a gadarnhawyd ym Mhrydain Fawr yn ystod tymor fector 2024.  Mae’r Asiantaeth Iechyd Anifeiliaid a Phlanhigion yn cynnal gwyliadwriaeth o fewn ardal parth Norfolk/Suffolk i ddeall sefyllfa’r clefyd yn well. Cynghorir ceidwaid da byw yn gryf i siarad â’u milfeddyg os ydynt yn ystyried symud anifeiliaid sy’n agored i niwed o’r dwyrain/de-ddwyrain o Loegr i Gymru. Os ydych chi’n cadw da byw, dylech barhau i fod yn wyliadwrus, a rhoi gwybod am unrhyw amheuaeth o glefyd y tafod glas yn eich anifeiliaid.

Peste des Petits Ruminants (PPR)

Mae PPR a elwir hefyd yn bla defaid a geifr, yn glefyd firaol hynod heintus, hysbysadwy. Adroddodd achosion o PPR yn Ewrop ym mis Gorffennaf, y cyntaf ers blynyddoedd lawer. Er mwyn amddiffyn ein hanifeiliaid, mae mewnforion i Brydain Fawr o ddefaid a geifr byw, yn ogystal â chynhyrchion o darddiad anifeiliaid wedi’u cyfyngu o’r ddwy wlad. Mae hyn yn dangos y risgiau parhaus i’n da byw o glefydau egsotig, a’r angen i gynnal safonau uchel o fioddiogelwch – ar lefel genedlaethol a fferm.

RPW Ar-lein – GOV.UK One Login

Er mwyn moderneiddio RPW Ar-lein ac er mwyn i ni allu ychwanegu pethau newydd yn y dyfodol, rydym am roi’r gorau i ddefnyddio Porth y Llywodraeth. Mae Taliadau Gwledig Cymru (RPW) wrthi’n datblygu system newydd fel bod cwsmeriaid yn mynd ar RPW Ar-lein gan ddefnyddio GOV.UK One Login. Gan y bydd angen eu gwybodaeth mewngofnodi eu hunain ar bob unigolyn sy’n defnyddio RPW Ar-lein, gwnewch yn siŵr ymlaen llaw bod yr holl fanylion unigol yn gyfredol ac yn gywir ar eich tab Manylion Unigol Cyfrif Ar-lein RPW.

Ysgrifennydd y Cabinet yn cadarnhau’r gefnogaeth fydd ar gael i ffermwyr yn 2025

Mae Ysgrifennydd y Cabinet dros Newid Hinsawdd a Materion Gwledig, Huw Irranca-Davies, wedi cadarnhau y cynlluniau fydd ar gael i gefnogi ffermwyr a pherchnogion tir cyn cyflwyno’r Cynllun Ffermio Cynaliadwy (SFS) yn 2026.

Trosglwyddo Hawliau BPS 2025

Bydd cyfnod trosglwyddo hawliau BPS 2025 yn agor ar 2 Medi 2024, bydd ffurflenni Trosglwyddo Hawliau ar gael ar gyfrif RPW Ar-lein. Gall gwerthoedd hawliau a ddangosir ar gyfrif ar-lein RPW fod yn destun newidiadau blynyddol i ystyried gwerth hawliau heb eu hawlio yn 2025 a chyllideb Cronfa Wrth Gefn Genedlaethol heb ei ddyrannu yn 2025. Bydd unrhyw gynnydd a gymhwysir i werth yr hawliad yn 2025 ond yn berthnasol yn 2025. Rhaid i gwsmeriaid gyflwyno’r ffurflen Trosglwyddo Hawliau cyn hanner nos ar 15 Mai 2025 er mwyn i’r hawliau fod ar gael i’w hawlio ar BPS 2025.

Rhifau Adnabod Daliadau a Symudiadau Da Byw – Pori/tacio dros y gaeaf

Mae’r cyfnod pori dros y gaeaf yn prysur agosáu ac er mwyn bod yn barod ar ei gyfer, mae Llywodraeth Cymru am gymryd y cyfle hwn i atgoffa perchnogion tir a pherchnogion stoc am eu cyfrifoldeb o ran stoc sy’n pori.

Cynllun Adnoddau Naturiol Integredig (CANI) – Grant Datblygu

Mae’r Cynllun Adnoddau Naturiol Integredig yn gynllun cydweithredol sy’n galluogi ffermwyr, coedwigwyr, rheolwyr tir ac eraill i weithio gyda’i gilydd ar lefel tirwedd, dalgylch neu ar draws Cymru. Mae’r Cynllun Adnoddau Naturiol Integredig yn gynllun trosiannol sydd wedi’i gynllunio i helpu cyfranogwyr i ddatblygu ffyrdd newydd o weithio wrth baratoi at y Cynllun Ffermio Cynaliadwy. Mae ffenestr ymgeisio y Cynllun bellach ar agor a bydd yn cau am hanner nos 27 Medi 2024. Ni fydd unrhyw gais sy’n cael ei gyflwyno ar ôl y dyddiad hwnnw’n cael ei dderbyn.

Newidiadau Pwysig i Geidwaid Defaid a Geifr

Mae’r Rhestr Flynyddol Defaid a Geifr yn ofyniad cyfreithiol i gofnodi cyfanswm nifer y defaid a/neu geifr yr ydych yn berchen arnynt. O fis Rhagfyr 2024 bydd y ffordd y mae’r rhestr eiddo yn cael ei chynnal yng Nghymru yn newid. Er mwyn sicrhau bod y rhestr eiddo blynyddol yn cyd-fynd â holl wledydd eraill y DU, dyddiad y rhestr eiddo yng Nghymru nawr fydd 1 Rhagfyr. Ni fydd copi caled arferol y rhestr eiddo blynyddol yn cael ei gyhoeddi mwyach, a’r ffordd i gyflwyno’ch rhestr eiddo fydd trwy eich cyfrif ar-lein EIDCymru. Ffurflen stocrestr flynyddol o ddefaid a geifr: cwestiynau cyffredin | LLYW.CYMRU

APHA: Cofrestriad Gorfodol Dofednod ac Adar Caeth Eraill

O’r 1 Hydref 2024 bydd yn ofyniad cyfreithiol i geidwaid adar yng Nghymru a Lloegr gofrestru ar gyfer rhif Daliad Plwyf Sirol (CPH) a chofrestru fel ceidwad adar/dofednod ar Gofrestr Dofednod Prydain. Mae hyn heblaw am adar sy’n cael eu cadw fel anifeiliaid anwes ac sy’n byw dan do yn unig heb fynediad i’r tu allan. Fis diwethaf fe wnaethom gynghori ceidwaid adar nad oes ganddynt rif CPH i gwblhau’r broses gofrestru trwy gysylltu â RPW. Ers hynny, bu newid yn y broses ac mae pob ceidwad adar i gofrestru gydag APHA.

Hyfforddiant Iechyd Meddwl oddi wrth Sefydliad DPJ

Am fwy o wybodaeth cliciwch fan yma